HKSW 士多房

2011月08月13日: HKSW 士多房 Podcast: #10

2011-08-13T09:37:00.010+08:00

懷舊片段? 呢段係舊野黎, 錄音於 Dec 20 2010... 重要唔係 Ju Sir 同 RaymondC 攪的.

但話晒係鬼手既第一次推咪, 唔好浪費佢, 所以用黎充當 "新錄音".

直接下載: 13/8 第十集 - 全一節

內容簡介

大佬灝, 鄭之灝教授二零一零年十二月十二日凌晨安息主懷
可能行外人唔認識, 特此轉載鄭教授之生平.
http://myweb.polyu.edu.hk/~sschui/apss/howardlife.pdf

正常人有情緒問題可以搵社工, 咁社工本人有問題, 去搵邊個好? 本集想試講下社工減壓既方法.
一年一度 "大型慈善籌款活動" 又過左, 又借呢個黎講下社福界籌款既生態...
某氏力場又同社福界有關?!

對我地有意見, 或者有問題想問, 歡迎在FaceBook 或者 Email 我地呀!

網上收聽 - 第十集 [23分57秒]

2011月07月15日: HKSW 士多房 Podcast: #9

2011-07-16T00:00:00.005+08:00

上集我地有提及有使用之新器材. 可惜既係 iPad2 + External USB Mic 錄完之後所要的後期製作要花多左差唔多三倍時間...
所以忍痛再買入新器材 3 號, 大家可以聽下有乜分別?
初步使用上 3號機令製作流程縮短左好多. 今晚約九點錄好, Ju Sir send段帶俾我去做後期, 一個鐘唔駛就出得街了 - 平時要差唔多做左成個下晝的!) 希望新器材令到我地再次定期有新集數啦.

今集有讀者來信, 主持會講下讀某學院會唔會影響日後的入學Higher Degree既機會.
而我地又講下今年7月1日下午至晚上, 香港回歸紀念日香港島遊行活動中的所見所聞。

對我地有意見, 或者有問題想問, 歡迎在FaceBook 或者 Email 我地呀!

網上收聽 - 第九集 [39分09秒]

直接下載: 15/7 第九集 - 全一節

2011月06月19日: HKSW 士多房 Podcast: #8

2011-06-23T00:50:00.003+08:00

衰野唔多講, 我地又不定期返黎啦 - 七月前後, 總會回魂! :-)

特此鳴謝主任! 無阿主任既一句, 我地無六千蚊; 無六千蚊, 就無新器材?! omg
今次借住某地產公司打正招牌請社工呢件時事淺談除社福機構外以社工身份就業的可能性。以及對註冊局最近寄黎既 "註冊社會工作者自願持續專業發展計劃" 幾位主持人既個人意見。

你都有意見?! 可以話俾我地聽架!

歡迎係 FaceBook 或者 Email 我地呀!

網上收聽 - 第八集 [30分21秒]

直接下載: 19/6 第八集 - 全一節

2010月09月04日: HKSW 士多房 Podcast: #7

2010-09-06T23:03:00.004+08:00

因為各主持人各有各忙, 因此呢嗰 "個人意見吹水節目" 甩左期, 多多見諒!

今集會先淺談一下點樣入冊... 呀, 唔係, 係點樣可以報讀社工課程。唔同年紀、學歷同課程學制學費 (Full Time / Part Time, 文憑/學位/碩士....) 之間既簡介及分別, 重有幾時去報名。

第二節又再講多少少智障人仕服務. 我哋想講下如果想在呢個界別工作既前線工作員, 有乜心理生理既野要預備? 不過因為個界別都幾大, 主要環繞 Day Services 同院舍果邊, ... 另加工作怪談(?!)

當然以上都係幾個主持人既個人意見啦. 但如果你都想同大家分享下, 歡迎係或者係 FaceBook 或者 Email 我地呀!

網上收聽 - 第七集 [46分33秒]

直接下載: 4/9 第七集 - 全一節

2010月08月14日: HKSW 士多房 Podcast: #6

2010-08-15T01:01:00.006+08:00

第六集 Podcast 順利出街了!

繼續山寨製作! 記住大家係可以係呢度留下Comment, 或者係 FaceBook 入面呢個位置一齊傾下. 因為其實我地都想做一個有多少少質素既 Podcast 既.

"大眼" 繼續上黎撐場, 同月生、鬼生同 Ju 生邊講邊吹下如果在工作間維護 Client 既個人私隱. 另外叫做試下概括介紹一下社福界既 "復康服務" 究竟係啲乜.

網上收聽 - 第六集 [51分21秒]

直接下載: 14/8 第六集 - 全一節

Podcast #6 預告

2010-08-05T00:29:00.003+08:00

同月生, 鬼手邊做邊傾緊, 我地呢個士多房 Podcast 既方向想點... 不過如無技術問題, 下期應該八月 16-17 號出街.

如果有意見, 可以去 FaceBook 話俾我地知啦. 網址... 重要問? 知道大家無記性, 所以新加左 "HKSW 短網址" 功能!

http://goto.hksw.net/facebook 會去到 HKSW 既 FaceBook 版面.
http://goto.hksw.net/podcast 會去到 PodCast 既所有頁數, 方便新朋友重溫

家陣未做好, 但應該好快會做晒既...

http://goto.hksw.net/podcast5 會直接飛到去第五集.

希望幫到大家, 同可以令大家容易D咁介紹俾朋友仔聽啦.

2010月07月29日: HKSW 士多房 Podcast: #5

2010-08-05T00:16:00.011+08:00

以為無左件事, 點知差唔多一個月既時間後, 第五集終於錄到出街了.

繼續山寨製作, 音質唔好請唔好投訴, 但記住大家係可以係呢度留下Comment, 同在 FaceBook 入面呢個位置一齊傾下. 因為其實我地都想做一個有多少少質素既 Podcast 既.

月黑高飛、鬼手同 Ju Sir 今次請咗 hksw.net 論壇年代的一位會員 "大眼" 上黎. 除左講吓近一個月既社福界新聞外, 重分享佢以一個同工身份進修 "社工課程" 既苦與樂 - 點解咁辛苦都要讀社工?

網上收聽 - 第五集 [1小時43秒]

直接下載: 29/7 第五集 - 全一節

2010月07月05日: HKSW 士多房 Podcast: #4

2010-07-07T17:06:00.010+08:00

居然做做下做到第四集 - 好事定壞事?! 而且因為山寨製作, 音質唔好請多多見諒.

月黑高飛、鬼手同你在 623 後, 又同你以事講事,
今次鬼手會分享下佢 623 當日在立法會現場既所見所聞, 月生又講下 71 現場實况, 以及講下社會福利界應否毀滅在立法會入面既社福界功能組別議席.

網上收聽 - 第四集 [25分13秒]

直接下載: 5/7 第四集 - 全一節

記住大家係可以係呢度留下Comment, 同在 FaceBook 入面呢個位置一齊傾下架!

2010月06月19日: HKSW 士多房 Podcast: #3

2010-06-22T22:50:00.007+08:00

月黑高飛、鬼手同 Ju Sir 繼 516 之後呢三隻 HKSW 老鬼, 在 "超錯" 的 623 前同大家傾下社福界功能組別的張國柱議員, 柱哥的立場會係點?!

網上收聽: 第三集 <修正版> [19分33秒]

直接下載: 19/6 第三集 <修正版> - 全一節

記住大家係可以係呢度留下Comment, 同在 FaceBook 入面呢個位置一齊傾下架!

2010月05月08日: HKSW 士多房二三事: 特別篇 #2

2010-05-12T23:15:00.007+08:00

有鬼手、月黑高飛、Ju Sir 呢三隻老鬼, 同 "新參者" 同工阿May與你再談516。

網上收聽 - 特別篇 #2 [16分21秒]

直接下載: 8/5 第二彈 - 全一節

記住大家係可以係呢度留下Comment, 同在 FaceBook 入面呢個位置一齊傾下架!

2010月05月01日: HKSW 士多房二三事: 特別篇 #1 下

2010-05-12T23:10:00.011+08:00

下半場鬼手, Ju Sir 同 Felix 繼續同你以 HKSW 風格傾下 516.

網上收聽 - 特別篇 #1 下 [7分32秒]

直接下載: 1/5 第一彈第二節

記住大家係可以係呢度留下Comment, 同在 FaceBook 入面呢個位置一齊傾下架!

2010月05月01日: HKSW 士多房二三事: 特別篇 #1 上

2010-05-12T23:09:00.008+08:00

假如歷史是一條長河，HKSW.NET 由文字討論變成首次以聲音分享。悲乎香港民主政制在05年鬼手兄反對的政制方案，在五年後重來，香港的民主為何仍原地踏步!鬼手兄與Ju Sir以社工的角度出發與你談516.

呢個係精要篇, 歡迎轉發呢個俾你的朋友仔聽!

網上收聽 - 特別篇 #1 上 [9分29秒]

直接下載: 1/5 第一彈第一節

有 Feedback, 大家可以係呢度留下Comment, 有 FaceBook 又唔怕 "曝光", 可以係 FB 入面呢個位置一齊傾下囉!

HKSW Podcast - 特別號啟示

2010-05-12T22:03:00.010+08:00

事綠鬼手重提舊事, 想以516為題, 以 HKSW 為名同各社福同工講兩句.

本來諗住又要用數以年計的 Lead Time 去做, 幸得 Ju Sir 介紹友人 Felix 拔刀相助, 短短唔夠24小時就搵到器材場地連Hosting. 在此謹此致謝.

重要唔係佢提一提, 都唔記得可能好多人都唔知我地有個 FaceBook Group, 或者知但又無上既. 因為放左係呢度. 話晒重有三日時間, 可以 Forward 俾你識得既社福同工聽下, 等大家星期日都可以行出黎、做下野咁啦.

有 Feedback, 大家可以係呢度留下Comment, 有 FaceBook 又唔怕 "曝光", 可以係 FB 入面呢個位置一齊傾下囉!

FaceBook開了新群組: HKSW 魂

2010-02-11T02:51:00.003+08:00

唔知係好事定唔好時. 最近一次見番打手時, 佢都要提起 Another Form of HKSW 呢件事. 本來都不了了之, 但作為 70 後, 睇完有單野, 發覺想講寫 Blog 又太單向, 而且心諗有D野, 都總要人做, 加上家陣係 FaceBook 一日都唔知有幾多個新 Group. 本著多一個唔多, 少一個唔少, 將以前吹過下既水既同工 Link up, 都未必係一件壞事黎既.

不過記住, FaceBook 係會令你真實身份露底的. 要入我當然歡迎, 但如果因為 Anonymity, 你要諗過先好丫.

FaceBook Group url: http://www.facebook.com/group.php?gid=309224609064&ref=nf

Let's rock and keep rolling!!

回魂報告

2009-08-28T00:07:00.001+08:00

可能近舊曆七月中, 今日心血來潮係 Firefox 度打 www.hksw.net, 先知道原來因為六月尾的 Domain 公司轉移, 令飛線去呢個 Blog 度既 "飛線" 瓜了.

所以先向睇到呢篇文既各方好友講聲多謝.

另外話晒都 Resume 番個飛線, 都等我試下報告一下近況.

月黑高飛有書讀, 重要好讀唔讀讀社工 (!?)
鬼手未買 PS3, 未買 iPhone 3GS, 因為..... 等佢講啦.
我就又開始長駐香港某區既看更生活

最近 (講講下都幾個星期之前了), 藉去鬼手家中試試 iPhone 3G 的 OS3 的 Tethering 功能, 約左大家食飯, 發覺依現時情況, HKSW 的 Forum 應該會繼續以呢個狀態存在. 但黎緊 "可能" 會開咪做 Podcast, 講下現時既社福事. 詳情係點大致上都未有定案, 但如果有興趣想知, 你可以俾隻 email 去 admin@hksw.net, 當落實後, 我地會通知你.

當然, 如果想一齊玩, 或有乜野意見, 都話俾我知啦.

回來了? 回去了?

2009-04-22T03:22:00.000+08:00

其實近12個月來, HKSW都有兩次 Unmanned 的時間 - Ju Sir 其實因為工作關係, 只能作極之有限的技術支援; 小弟則因工作關係, 過去12個月來也有4個多月不在香港. 更 "大煲" 既係上次 Unmanned 都無問題, 可是今次一上機唔夠 24 小時就出事了 - 連出左乜事既情況下都未知我就要 Shutdown WebServer.

於是咁, 就令到呢度由二月尾一路人間蒸發: 因為小弟直到家陣, 都未返香港嘛.身在海外, 一路都太忙了. 因此直到差唔多回港前, 才有能力將 HKSW 個士多房放出街, 等大家都知道我重健在, (我發覺鬼手家陣都好忙, 忙到連 HKSW 瓜左、我飛左佢都唔知 orz.)

不過呢兩日靜上黎我都回顧過一下.

情感上, HKSW 都係度在咁耐, 雖作用不大, 但都係一個成功既社福界小圈子. 要停就唔係好想.但理性上, 小弟註冊後就無奈轉 Field, 五年來由註冊社工轉變為註冊技工. 而今次唔係香港目的就係為左工作上既第三度轉型 - 由註冊技工轉變成持牌文員, 在某國的某類訊息網絡工作. 身不在田, 心雖在社福也難免與日日在田的兄弟姊妹朋友有所差別 (講無你都唔信啦).

或者你會覺得呢個係 "收檔啟事", 但我個人覺得只係一個階段既結束. 大家讀書都有讀過, 但今次呢個 Pre-Mature Termination 我其實都有點覺得突然, 但個人唔係香港, 無計架喎.

或者先咁講啦. HKSW的討論區我暫時真係諗唔到有重開既必要. 但會唔會有其他野攪呢? 暫時我未諗到. 可能等我幾星期後回港後鬼手、高飛兩位傾完後再睇下點. 不過 Nothing is impossible. 而且家陣呢個唔係 "收工啟事", 而係 "活動報告版". 有時諗下開番個 FaceBook HKSW 小組, 或者 HKSW@Twitter, 都唔錯丫?

有野, 不妨留隻字仔丫.

工程 (終於) 完成

2007-08-28T10:39:00.000+08:00

因為重新放置的準備工作比預期時間來得要長, 因此俾預定的時間足足遲了一天.
如果你入唔到主頁, 重係只睇到呢一頁, 請你等多陣, DNS Update 後你就會見番我地架勒.

8月24至27日 HKSW 搬位置、暫停服務

2007-08-22T13:01:00.000+08:00

因工程關係, HKSW 將於8月24-27日間斷性提供.

暫定工程安排:
24/8 (五) 晚間 - 甩 Network Hub / UPS, 搬走家陣放 Server 的櫃
25/8 (六) 下午至 26/8 (日) 下午 - 工程進行
26/8 (日) 晚間至 27/8 (一) 零晨 - 測試

另外另一個 Scheduled Server update 將於九月尾進行, 詳情落實後會再知會大家

(又) 攪掂

2007-07-21T15:34:00.000+08:00

似乎瓜左呢兩日, 無人上黎睇下發生左乜野, 所以專登出左個 Mass Mail Broadcast. ^__^

要講既都講左, 因為要同 Ju Sir 出去食 Tea, 因此唔打多次, Copy & Paste 算數.

http://www.hksw.net/viewtopic.php?f=1&t=1838
講番今次 0720 事件
對過 Email broadcast 的, 或者都會知道本來我地新 Server "好似" 好地地, 行個叫做 lighttpd 既 webserver program.
其實大路既都可能會用 apache, 而 HKSW 更本來係由 Apache 1.3 用到之前第四代既 2.0, 一路都無乜事.

但因為第五代係一架細機仔, 加 RAM 最多都只可以去到 256MB, 所以要考慮既野係多左好多 - 比起以前 4代係 P4-2.26GHz 768MB RAM, 原本係 "指名五代" 但英年早逝果架係 P4-2.8GHz 1GB RAM.... 用緊既五代要做好多 Tune-up. 由網上資料搵到原來 Youtube 呢D大流量既網頁都係用緊 lighttpd, 所以對佢幾有信心. 加上比起用 RAM 數量, 未upgrade前成個五代系統只係用得 80MB RAM 唔夠 - 你都咪話唔好.

咁點解要改番用 apache?
其實就係有用戶提過, 唔知點解用 Internet Explorer 就唔可以 login, 但用 Firefox 無事.
係另一個 hksw.net 幫忙既 project - WELL 就話唔可以用 IE download PDF files....
而自己又上網睇過, lighttpd 暫時係唔可以解決...

所以再問多次 Ju Sir, 佢都無奈話要轉用番 apache2, 但佢話呢重係好忙, 唔可以幫手, 因此只好自己黎.
而呢個就係點解本來 20 分鐘, 最後攪左兩日既問題囉..

總結黎講, 我炒起左
- mysql server
- php5
- 重有唔知乜野

所以最後都要請五天工作的 Ju Sir 今日出馬.. 佢都攪左成兩個鐘.... 又要請食飯勒.

唔做唔錯... 多做多錯...

2007-07-20T10:30:00.000+08:00

之前開放 beta test 時, 有網友同我講有D小問題, 在網上找答案時發覺問題是我們用緊一個新的 http server program - lighttpd.

以前我地係用 Apache 的. 因為新 Server 的機器舊了一點, 可以想用一個比較 Lightweight 的.. 但因為咁, 我地無奈要安番個 apache2.. 原本20分鐘的工作, 卻做了四個鐘又攪不掂......

我會搵 Ju Sir 救命架勒.. 睇下今晚攪成點啦.

超額完成 -

2007-07-19T00:25:00.000+08:00

尋晚又攪得比較夜 (或者早啦), 將尋晚講既說話又推番.... 其實可以 On Beta Trial.

可惜 http://beta.hksw.net 的 DNS Prolongation 都未攪掂, 咁攪法可能大部份人都入唔到去.

所以諗諗下, 有以下安排.

士多房會 Keep 住開放
HKSW 試版會 on beta trial.

家陣我地幾位 Admin 都試緊, 如果有問題, 請連絡我地啦.

回來了... 今次唔係狼來了!

2007-07-18T01:33:00.000+08:00

差唔多一百日既 Downtime, 差唔多攪掂.

其實都有一個迷思, 就係開番果舊版, 再慢慢改; 定係開個新版出黎 Beta Test 一下.

由 hksw.net 的網域登記, 我們是由 2002年七月十五日 "正式起朵" 的. 正因為無啦啦都五年了, 所以想去得盡少少 - 就係放棄假版, 用新版.

To-do:

Search indexing - 寫文之際剛攪掂.... 都有成萬字
兩文三語介面
系統轉換之間 (包括舊 Server -> 新 Server 以及 phpBB2 -> phpBB3 之間既問題

我都唔知重要做幾耐, 但我希望唔太耐好囉.
不過 phpBB3 我覺得真係好犀利. 以前要左改右改既, 家陣都包晒係系統入面. 但反過來個系統既選項最少多左五倍!!!

放心, 有新野都會唔預大家?
如果有興趣, 去下呢度啦 http://beta.hksw.net (DNS 更新可能要 24 - 72 小時, 如果入去 beta 會黎番士多房的話, 請遲D再 Click 過啦.

暫時為免有問題, 新系統不設新用戶註冊, 但舊用戶可以用舊 Password 登入. 唔係會員都可以做路人寫野 - 但要過 "Visual Confirmation".

有時間咪過去八掛下囉.

五窮六絕七... "返身"??

2007-07-08T23:44:00.000+08:00

除左財多可以身子弱之外, 財唔多都可以的. ^__^;

呢個星期除左同病魔周旋之外, 如果有人記得的話, 七月份又係要俾 Domain Registration 既時間.
為免俾大家有個錯覺就係死完起番再死過, 我諗我應該係呢個 Re-registration 既過程完左先會重開 HKSW.

今次因為嗰 Domain 要轉去另一個 registrar, 暫定 Lead Time 要四至七日. 所以如果用 www.hksw.net 入唔到黎的話, 請以 http://hksw-net.blogspot.com/
入黎呢度.. 攪掂之後, 我會話俾大家聽新 hksw 既環境架勒.

"回歸快閃急步走" 活動倒數 - 重有兩日

2007-06-29T12:23:00.000+08:00

鬼手尋日打黎, 問我詳情. 暫定如下:

為配合 "急步走" 呢個主題, 希望能於一小時由維園到中環
為免因為我地急步走而超越帶頭人仕, 成為第一批到達中環既人仕, 所以應該唔會 2:30 起步
如非當日主辦單位 (唔係我啦梗係) 因天氣關係取消, 將風雨不改; 但為免落雨影響步速, 建議唔好用傘著雨褸
集合時間 - 暫定有兩個 - 食午飯 1300 - 1330 / 起步前 1430

待定事項 - 希望大家一齊傾下

集合地點 (食飯): 因無記錯 PolyU 果D Canteen 星期日/公眾假期未必開, 所以要搵地方食飯. 原本鬼手覺得 PolyU 可以食完飯就坐隧巴過海可以方便D, 但去銅鑼灣果邊食都唔係唔得, 亦都方便香港區人仕 - 有冇好提議?
集合地點 (起步): 因估計天后地鐵站可能都會幾多人, 加上唔知架陣有幾多 HKSW 既人會出席, 所以無乜頭緒住.. 諗唔到, 可能就皇室堡對面 Ikea?

會去既人仕, 請電郵 admin@hksw.net 報名或發表意見. 到一切落實, 我會以電郵通知你的.

注意事項:
- 請備足夠糧水,後備食糧,衣服,晴雨用具
- 同遊性質,參加者須有足夠自顧能力,請量力參加,責任自負.

Youth Worker - 我地有乜可以做??

2007-06-26T13:46:00.000+08:00

我睇完之後, 諗番自己做 Residential Youth 既日子, 試過同個18歲既朋友仔做 Sex Education.

但去度呢單新聞咁既地步, 我地可以做D乜?

2007年六月廿六日, 蘋果日報
1 女 4 男中二學生玩 5P
庭上認罪　學界震驚

【本報訊】中二女學生參加學校旅行後，與一班同學返回自己寓所繼續玩樂，當其中三男生在客廳觀賞色情電影期間，女學生竟與另外四男生在房內大玩「 5P 」集體性行為遊戲，更先後替四男生口交，後因其父提早下班回家，撞破他們的荒唐行徑報警處理。涉案四名男生昨日被帶上法庭，承認與 16 歲以下女童非法性交，及作出嚴重猥褻行為共五項罪名。學界對於中二學生大玩 5P 雜交表示震驚。記者：蔡曉楓　關英傑

理工大學應用社會科學系助理授鍾劍華稱案件令人震驚，青少年早熟是世界趨勢，歐美國家亦面臨同樣難題，早前英國下議院有議員動議明年向高小學生派發安全套作預防，至於香港育當局則應反思對策。
有資深性育工作者表示，可用「誇張」來形容本案，相信學生是受到近年色情資訊氾濫的惡果。他指出，家長應主動灌輸正確的性育予子女。

四男被告 15 至 17 歲

案中男女就讀同一所中學，全是中二學生。涉案四名被告年齡介乎 15 至 17 歲，分別被控於去年 12 月 1 日與 14 歲中二女生非法性交，及向她作出嚴重猥褻行為。四名被告昨在東區裁判法院認罪後，未有即時作出求情，主任裁判官鄧立泰先替各人索取背景及社會服務令報告。當中三名 16 至 17 歲的被告押後至 7 月 8 日判刑，年僅 15 歲的被告安排於 7 月 11 日在兒童法庭接受判刑，其間四人獲准保釋外出候判。
根據法例，任何男子與一名年齡在 16 歲以下的女童非法性交，一經定罪，可被判監禁 5 年。而向年齡在 16 歲以下的兒童作出嚴重猥褻行為，最高可被判監禁 10 年。
案情透露，去年 12 月 1 日，四名被告與一班同學參加學校旅行，至傍晚 6 時 15 分，旅行結束，四人聯同三男一女同學到女事主位於港島的寓所玩樂。大夥兒抵達女事主寓所不久，該名女同學先行離去，餘下三名男生在客廳看電視，又圍在一起觀看色情電影，或玩電腦遊戲。此時，四名被告逗留在女事主睡房內，在獲得女事主同意後，四人與事主進行性交，其間女事主又先後替四男生口交。正當大家玩得興起之際，任職水喉匠的女事主父親（ 48 歲）提早下班回家，眾人被逮個正，連同女事主在內，即時作鳥獸散，慌忙逃離寓所。

威脅自殺阻父報警

女事主被父親揭破醜事，擔心他會報警，於是致電向嫂嫂求助，將事件始末告知對方，其後女事主以自殺來威脅嫂嫂，希望她能阻止父親報警。不過，事主終在嫂嫂陪同下與父母見面，並到瑪麗醫院接受檢查，事主父親在醫院報警。
四名涉案被告其後被警方拘捕，及進行錄影會面。警誡下，各被告均承認曾親吻女事主，及撫摸其胸部，並先後與她發生性行為，而女事主則替他們口交。醫生替事主檢驗後，證實事主曾進行性行為，警方經調查，最後將四名被告起訴。案件編號： ESCC2903/07

回雞倒數....

2007-06-24T21:37:00.000+08:00

新一屆既治港班子就尋日公報左, 而 HKSW 既新 Server, 都係時間公開少少資料.

1. 應該唔係用 Dicusz, 或者 phpwind.
2. 應該支援兩文三語
3. 應該舊文會 Keep 番係度, 但睇唔睇得到, 我有D 擔心..
4. 應該過兩日會試開

用雜工們傾過下, 有關慶 HKSW 回歸急步走, 大不了都係整張爛鬼Banner就算架勒.但如果有出年的話, 可能會出下 T-Shirt 都唔頂喎. 另外快閃活動, 不求人多, 只希望體現 "以腳投票" 既精神 - 就算你唔可以同我地一齊 "靜雞雞" 咁急步走, 只要你有落場, 我們已經很高興了.

至於急步走後有冇下文, 呢層就等大家 "互為建構" 了. 但我只想話俾鬼手同月黑高飛兩個友仔聽 - 急走後不宜飲咖啡, 唔係攪到你地脫水都似丫.

另外新版 HKSW 想搵番個新 Logo, 唔知有冇人鍾意畫下公仔既呢?

華員會證社工陪上床醜聞 - 由 Uncle O 提供

2007-06-22T11:34:00.000+08:00

華員會證社工陪上床醜聞
(2007-06-19 05:35:00)

【東方日報專訊】社會福利署擦鞋文化氾濫，經本報昨日揭發後，事件引起社會關注。消息稱，公務員事務局曾聯絡有關社工工會了解。

華員會社會工作主任職系分會主席梁建雄，昨日承認分會曾接獲投訴，並於去年就事件召開執委會會議討論，但澄清未有向外透露「社工甘願與上級上床及陪上級召妓」。

華員會社會工作助理分會主席黎永盛，昨日則再向本報證實有關醜聞。黎永盛發出手寫聲明，指出「社署內確曾有社會工作主任濫權，與下屬包括女性社會工作助理及女性社監上床，而不願埋堆的社工則被安排做花王、清潔等職務。亦有社工陪其上司往風月場所及深圳色情場所玩樂，博上司歡心。」黎更指，以上指控所涉人物，都能提供姓名查證真有其事。

公務員事務局昨日回應本報查詢，僅稱獲悉政府華員會社會工作主任職系分會已發出澄清聲明，如本報有其他資料，可向社署提供，以便跟進。

草擬 - HKSW 回歸急步走

2007-06-18T19:11:00.000+08:00

為慶祝 (或預祝) HKSW 新 Server 回歸, 我諗緊好唔好攪番次快閃活動

目的 - 用腳支持回歸
目標 - 以一小時內急步走, 由銅鑼灣至中區
日期 - 你重問?

Just an idea only, 大家點睇? 有興趣的話俾個回應丫?

蘋果好書贈社工

2007-06-15T11:08:00.000+08:00

呢排真係好忙, 所以呢兩個星期既進度係等如零.
但如果你咁o岩上黎睇的話, 睇下有冇興趣攞本書睇下? 鳴謝北極熊先生提供有關資料

From: http://www.atnext.com/welfare/bk/
為鼓勵在職人士閱讀，本報舉辦行業送書計劃，現送社福界一本好書，所有在職社工，均可參加。名額共300個，先到先得，參加者可於下列三本書中任選一本。
截止日期：6月19日。

	《成長體驗Debriefing》作者：麥淑華/鄧淑英出版社：突破簡介：本書針對青少年導師、社工和教師的實際場景，撰文分享；在助人成長和人格教育課題之中，特別選取了六個主題，來展示解說技巧的應用方法，協助各位青少年工作者帶領具有教育意義的體驗活動。
	《天水圍12師奶》作者：陳惜姿出版社：藍藍的天簡介：作者以她多年寫訪問稿的經驗，透過天水圍十二位師奶的私密細語，以十二個教人動容的故事告訴人們，只要一息尚存，總可胼手胝足、挺起腰板，以希望對抗絕望，以兒女之愛編織力量，給那惡毒的命運拆牆。
	《堅守信念—給社工學生的30封信》作者：甘炳光、陳偉道、文錦燕編著出版社：香港城市大學出版社簡介：一群社工老師透過30封書信分享個人對社工信念的實踐體會，解答同學對社工專業的疑慮。獨行總不及有人同行好。不論你是學生，還是在職社工，面對學習或工作上的挑戰或困惑時，有這30封信如「螢火蟲」般引路及鼓勵，心裡想必可更為踏實。

聽日就係十八周年....

2007-06-03T18:31:00.000+08:00

十八年... 又一條好漢. 但你會否能夠悼念十八年前呢班學生呢?

主題：哀悼民運死難同胞，繼承烈士民主遺志
日期：６月４日（星期一）
時間：晚上８時
地點：維園足球場

打手 - 轉左行?

2007-06-03T18:03:00.000+08:00

又係每周新聞 - 個新 Server 行得好好, 但係其他野唔生性, RAID-1 Mirror 都可以死既, 你話可以講D乜野? (無錯, 我係講緊 Synology 隻 DS-207)

比較新既 hksw 網友未必識 "打手". 打手兄武功高強, 高峰時以一敵千... (下刪三千字), 因為冠以 "打手" 之名.

但正所謂英雄難過美人關, 為免各道報復、禍及妻兒 (詳情可參考中華英雄或者風雲初期聶人王年代果D呢....) 所以淡出江湖.

咁佢之後去左邊度呢? 日前發覺佢原來係旺角.

PS: 此乃設計文章, 上述人等與 hksw 無關.

不過另一則 "網聞", 令我一睇就對號入坐.... 唔知早前, 邊個要搵 "藉口" 買 XBox 360? ;-)
老婆, 我知道錯了
文章有D長, 但睇睇下就..... 諗起打手了.

同篇貼文, 有人高舉此 "利器". 打手, 你會唔會敢用?

又黎周報

2007-05-29T23:44:00.000+08:00

因為 Ju Sir 忙, 所以未見明顯進度. 但係其實.... 家陣新 Server 已 Online.

如果有一日去 http://www.hksw.net 見到既係一D野的話, 放心. 我諗應該會快架勒.
當去到果日你重想黎呢間士多房, 請去 http://store.hksw.net 或者現有呢個 url 度睇啦. 我諗呢度都會應該重係度既.

其實 hksw 都有為個別 NGO 同會員免費 host 網頁的. 所以對於佢地既不便, 非常對不起呢.

現在諗緊, 好唔好 Port 個舊 Database 出黎玩住先, 之後再 update 個 forum program, 定係由頭先個果新既... 唔知有冇人有提議呢? 有的話就快勒, 因為我諗最遲呢幾日, 我地要做野架.

福佳.... 始終有你!

2007-05-29T23:33:00.000+08:00

深信係香港既人呢幾日無可能未聽過呢單野.
但作為一個小窗口, 我覺得大家可以討論下, 呢個係乜野社會現象.

不過請小心, 乜野 Horse Power, 重有下個星期一既日子最好唔好提, 以免被 Censorship.

http://plastichk.blogspot.com/

OS Issue.... some more times needed

2007-05-14T22:58:00.000+08:00

Just rebuild another OS, from Fedora Core to Debian.

"New System" is slow, so it would take a little bit longer...

As this blog would be use "longer" than expected, some new codes were added.
It gives a new layout to show "bypasser" comments.

老麥薯條用乜乜做?

2007-05-06T20:48:00.000+08:00

見 Server 新 Software load 緊之際, 上左去 YouTube 搵到呢段片。
話說尋晚同朋友們去左 PolyU 校友會 "推介"、有六折果間日本野度食飯 (不過六折另加一、加一係照原價的!), 席間有人講過呢條片.

http://www.youtube.com/watch?v=pEM0T1Ar5Qo

真係唔明, 老麥薯條用乜做, 可以放咁耐既呢?

各位同工, 下次開完組駛唔駛去老麥試試呢?

多謝關心 & Upgrade Progress

2007-05-06T17:26:00.000+08:00

收到幾個朋友電話, 不約而同都問呢度係唔係唔會重開.

首先正如上文所講, 時間係我地暫時比較缺乏的. 金錢雖然都係, 但相對的仍然可以.
不過我諗我地幾個雜工會考慮一下呢方面既野.

家陣重痛緊就係 Server 既系統資料、重有會唔會改用新既 Forum 系統. 我個人就鐘意 phpBB, 見到 phpBB 3.0 Beta 真係好靚, 但暫時未有 upgrade path 俾我地用緊 2.0.xx 既用戶; Ju Sir 就話不如改用 Discuz, 但係似乎家陣十個有九個半都用緊........ Well?

家陣我地個 Plan 會係咁:
1. 希望呢兩個星期可以起番架機同 migrate 資料.
2. 之後就睇下搵唔搵到 temp. co-location, 將架 server 寄養到七月尾

如果有意見, 請按下面 "回應".

當大家睇到呢個Post...

2007-04-27T01:08:00.000+08:00

即係代表, 第四 (定第五代) 既 Server, 已經唔得勒.

其實早於今年舊曆新年前已經發覺呢個問題. 但有鑑太高科技既野, 都要搵 Ju Sir. 而 Ju Sir 又太忙; 就版務黎講我亦主動不干與, 只做打掃工作.... 有今日, 都預左架勒.

再加上有少少野諗唔通 (就係 HKSW 既角色定位), 而且家陣放 Server 既地方 (即係我屋企) 將大裝修, 要我搬離呢度最少70日 - 呢 D 野都係日內會發生既事.

本來有諗過不了了之, 留番張 Blank Webpage 話 "遲D見". 但眼見近日除左一日要 Kill 既十幾廿封既垃圾外, 重有幾班常客。最少早兩日鬼手都專登打電話俾我, 問下架 Server 係唔係瓜左... 同 Ju Sir 討論後發覺可以用 Blog. 最少可以俾雜工們借呢度再大家 "繼續發功".

其實我個人真係有下面既野頭痛. 可以既話請幫下我手, 發表下意見丫?

點對小清、部份大陸同胞及垃圾貼文三者之間找出平衡? (注 1)
點可以減少 Admin Costs (如清垃圾的人工, 以及.... 時間?)

請恕我不以白話說明, 但講得上香港的, 不是 "港式文化" 的 "中英夾雜, Chinglish 亂嗡", 算不上地道。

**********

或者有人會想問 hksw 會幾時重光. 我可以確定既係 - 睇下幾時有心情, 另外加上外在因素如新 Server 安裝、 Ju Sir 得閒、以及大家既鼓勵同支持。或者有人會問可唔可以快D, 老實講 - 你試下做, 你就知有幾煩!

如果大家要搵地方傾下我地本科話題, 我諗去 Zeno 果度都係合適既地方黎既, 再唔係... 有冇人有提議呢? 試下 web2.0 既亙動, 話番俾我知囉.

SWForum: http://158.132.156.146/swforum/modules.php?name=Forums

好, 唔多講囉, 有野就搵我啦.

RaymondC

註 1) 不懂、不肯去明白地道廣東話的香港域外人仕。我唔係地區主義, 但有時我個人係唔太接受的。